नेकपा एमालेले समर्थन गर्ने सर्तमा मधेसी जन अधिकार फोरमले कांगे्रसका प्रधानमन्त्रीको उमेदवारलाई समर्थन गर्ने संकेत गरेको छ ।प्रधानमन्त्री चयनका लागि आगामी १७ गते हुने तेस्रो चरणको निर्वाचनमा आफ्नो पक्षमा समर्थन जुटाउन नेपाली कांगे्रसले गरेको आग्रहमा संयुक्त लोकतान्त्रिक मधेसी मोर्चामा आबद्ध प्रमुख घटक फोरमले एमालेले समर्थन गरेको अवस्थामा आफ्नो पार्टीले कांगे्रसलाई समर्थन गर्ने आश्वासन दिएको काँग्रसका प्रवक्ता अजुर्न नरसिंह केसीले जानकारी दिनुभयो ।
११४ मत रहेको कांग्रेसलाई १०९ मत रहेको एमाले र ८२ मत रहेको मधेसवादी दलले समर्थन गरे कांग्रेसको पक्षमा बहुमत पुग्छ ।गत साउन ५ गते भएको पहिलो चरणको निर्वाचनमा दुई तिहाई बहुमत प्राप्त हुने अवस्था नआएपछि प्रधानमन्त्रीको उम्मेदवारीबाट हात झिकेको एमालेले राष्ट्रिय सहमति नबनेसम्म निर्वाचनमा भाग नलिने भन्दै साउन ७ गते भएको दोस्रो चरणको निर्वाचनमा पनि तटस्थ बसेको थियो ।उसले दलहरुवीच राष्ट्रिय सहमति नबने साउन १७ गते हुने तेस्रो चरणको निर्वाचनमा पनि तटस्थ बस्ने जनाई सकेको छ ।तेस्रो चरणको निर्वाचनमा तटस्थ बस्ने बताएपनि एमालेले निर्णय परिवर्तन गरेर आफ्नो पार्टीको उम्मेदवारलाई सघाउने आशामा कांग्रेसले मधेसी मोर्चाको मागलाई सम्बोधन गरेर लिखित पत्र पठाउन ढिलाई भइरहेको स्रोतको दावी छ ।
फोरम संसदीय दलको कार्यालय सिंहदरवारमा भएको छलफलमा मधेसी मोर्चाले सार्वजानिक गरेको अवधारणामाथि पनि छलफल भएको उहाँले जानकारी दिनुभयो । प्रवक्ता केसीले फोरमले तत्काल मधेसको मुद्दा समेटिएको आधारपत्रमा जवाफ दिन आग्रह गरेको समेत बताउनुभयो ।उहाँले मधेसी मोर्चाको आधारपत्रका केही बिषयमा थप परिभाषा र ब्याख्या हुनुपर्ने मान्यता काँग्रेसको आधिकारीक धारणा रहेको बताएको जानकारी दिनुभयो ।बैठकमा काँग्रेसले आत्मनिणर्य सहितको मधेस एक प्रदेश र सेनामा सामुहिक प्रवेश बारे स्पष्ट हुन फोरमलाई आग्रह गरेको थियो ।बैठकपछि मधेसी जनाधिकार फोरमका अध्यक्ष उपेन्द्र यादवले काँग्रेसले सरकारमा समर्थन गर्न आग्रह गरेको बताउनुभयो । उहाँले आफुहरुले भने लिखित रुपमा मधेसको आधारपत्रबारे जवाफ दिन काँग्रेसलाइ आग्रह गरेको बताउनुभयो ।
